Zeinetaqy qorynan alynǵan qarajat 45 kúnniń ishinde maqsatty túrde jumsalmasa ol tolyq kólemde azamattyń BJZQ-daǵy qoryna keri qaitarylady. Bul týraly «Otbasy banki» basqarma tóraǵasy Lázzat Ibragimova Facebook-de ótken tikelei efir barysynda aitty, dep habarlaidy QazAqparat.
«Eger zeinetaqy qorynan aýdarylǵan aqsha 45 kúnniń ishinde úi alýǵa paidalanylmasa, onda qarajat BJZQ-ǵa qaitarylady. Iaǵni bul turǵyda naqty shekteý qoiylǵan. Eger aqsha alynǵannan keiin 45 kúnniń ishinde qoldanylmasa, aqshanyń naqty maqsatty baǵytqa paidalanylǵanyn rastaityn qujatty kórmesek, onda ol qarajat BJZQ-daǵy óz jinaǵyńyzǵa tolyq kólemde qaitarylady», - dedi Lázzat Ibragimova.
Eske salsaq, 2 qańtarda QR Prezidenti zeinetaqy jinaǵynyń bir bóligin maqsatty paidalanýǵa qatysty zańǵa qol qoidy.
Qazaqstandyqtardyń zeinetaqy jinaqtaryn paidalaný úshin jańartylǵan «jetkiliktilik shegi» jariialandy.
