زەينەتاقى قورىنان الىنعان قاراجات 45 كٷننٸڭ ٸشٸندە ماقساتتى تٷردە جۇمسالماسا ول تولىق كٶلەمدە ازاماتتىڭ بجزق-داعى قورىنا كەرٸ قايتارىلادى. بۇل تۋرالى «وتباسى بانكٸ» باسقارما تٶراعاسى لەززات يبراگيموۆا Facebook-دە ٶتكەن تٸكەلەي ەفير بارىسىندا ايتتى, دەپ حابارلايدى قازاقپارات.
«ەگەر زەينەتاقى قورىنان اۋدارىلعان اقشا 45 كٷننٸڭ ٸشٸندە ٷي الۋعا پايدالانىلماسا, وندا قاراجات بجزق-عا قايتارىلادى. ياعني بۇل تۇرعىدا ناقتى شەكتەۋ قويىلعان. ەگەر اقشا الىنعاننان كەيٸن 45 كٷننٸڭ ٸشٸندە قولدانىلماسا, اقشانىڭ ناقتى ماقساتتى باعىتقا پايدالانىلعانىن راستايتىن قۇجاتتى كٶرمەسەك, وندا ول قاراجات بجزق-داعى ٶز جيناعىڭىزعا تولىق كٶلەمدە قايتارىلادى», - دەدٸ لەززات يبراگيموۆا.
ەسكە سالساق, 2 قاڭتاردا قر پرەزيدەنتٸ زەينەتاقى جيناعىنىڭ بٸر بٶلٸگٸن ماقساتتى پايدالانۋعا قاتىستى زاڭعا قول قويدى.
قازاقستاندىقتاردىڭ زەينەتاقى جيناقتارىن پايدالانۋ ٷشٸن جاڭارتىلعان «جەتكٸلٸكتٸلٸك شەگٸ» جارييالاندى.
