foto: Halyq Uni
Biyl qańtar-sáýirde zeinetaqy qorynan 47 mlrd teńge merziminen buryn alyndy. Bul týraly Ulttyq bank tóraǵasynyń orynbasary Vitalii Týtýshkin aitty, dep habarlady Halyq Uni.
Onyń sózinshe, jyl basynan beri BJZQ zeinetaqy aktivteri 1 trln teńgege (7,2%) ulǵaiyp, sáýirdiń sońynda 15,7 trln teńge bolǵan.
"Jyl basynan bastap investitsiialyq kiris kólemi 482 mlrd teńge, zeinetaqy jarnalary – 664 mlrd teńge, zeinetaqy tólemderi – 81,8 mlrd teńge, merziminen buryn alý somasy – shamamen 47 mlrd teńge boldy", - dedi Vitalii Týtýshkin Úkimet otyrysynda.
Eńbek ministrliginiń 1 sáýirdegi málimetinshe, qazir Qazaqstanda zeinetkerler sany - 2 mln 297 myń adam.
Sondai-aq 1 sáýirdegi jaǵdai boiynsha, jiyntyq zeinetaqynyń ortasha mólsheri 120 798 teńge boldy. Onyń ishinde yntymaqty zeinetaqy mólsheri – 82 953 teńge, bazalyq zeinetaqy – 37 845 teńge.
