Foto: ashyq derekkóz
Qazaqstandyqtar rekonstrýktivti jáne qalpyna keltirý maqsatyndaǵy plastikalyq otalarǵa Biryńǵai jinaqtaýshy zeinetaqy qorynyń qarajatyn paidalaný úshin jappai ótinim bere bastaǵan. Sonyń nátijesinde enpf-otbasy.kz platformasynda bul baǵyttaǵy ótinimder 2025 jyldyń 12 jeltoqsanynan bastap ýaqytsha toqtatyldy, dep habarlaidy Ult.kz «Otbasy bank» baspasóz qyzmetine silteme jasap.
Stomatologiia men oftalmologiiaǵa BJZQ qarajatyn qoldanýǵa shekteý engizilgennen keiin, azamattar plastikalyq operatsiialardy jańa maqsat retinde tańdai bastaǵan. Ásirese operatsiiadan keiingi tyrtyqtardy joiý jáne týa bitken aqaýlardy túzetýge arnalǵan ótinim kúrt artty.
Bank derekterine súiensek, buǵan deiin plastikalyq otalarǵa ai saiyn shamamen 16 ótinim tússe, qyrkúiekte olardyń sany 123-ke jetken. Qazanda – 1844, qarashada – 3878 ótinim tirkelgen. Al jeltoqsannyń alǵashqy segiz kúninde ǵana 2093 ótinim berilgen. Bul – burynǵy ailyq kórsetkishten 130 ese kóp. Tek jeltoqsan aiynda rásimdelgen ótinimderdiń jalpy somasy 1,8 mlrd teńgeni quraǵan.
«Azamattardyń zeinetaqy qarajatyn maqsatty paidalaný – bizdiń basty mindetimiz. Plastikalyq operatsiialarǵa suranystyń kúrt ósýi qarajattyń maqsatsyz jumsalý qaýpin arttyrdy. Ókinishke qarai, keibir azamattar bul múmkindikti deldaldar arqyly zańsyz aqsha sheshýge paidalanyp otyr. Naǵyz paida kórip otyrǵan – deldaldar. Sondyqtan ótinim qabyldaýdy ýaqytsha toqtatýǵa májbúr boldyq», – dedi «Otbasy bank» basqarma tóraiymy Lázzat Ibragimova.
12 jeltoqsannan bastap plastikalyq operatsiialarǵa qatysty jańa ótinim qabyldanbaidy. Qazirgi ýaqytta qaralyp jatqan 6294 ótinim qoldanystaǵy tártipke sai óńdeletin bolady.
Sonymen qatar azamattarda BJZQ qarajatyn ómirlik mańyzy bar joǵary tehnologiialyq jáne qymbat meditsinalyq qyzmetterge paidalaný quqyǵy saqtalady. Olarǵa mynalar jatady:
• sirek (orfandyq) aýrýlardy emdeý;
• radionýklidtik jáne radioiod terapiiasy;
• radiohirýrgiialyq em;
• protondyq terapiia.
Buǵan qosa, zeinetaqy jinaqtarynyń bir bóligin turǵyn úi jaǵdaiyn jaqsartýǵa paidalaný múmkindigi de bar: baspana satyp alý, ipotekany óteý nemese «Otbasy bank» depozitin tolyqtyrý.
