فوتو: اشىق دەرەككٶز
قازاقستاندىقتار رەكونسترۋكتيۆتٸ جەنە قالپىنا كەلتٸرۋ ماقساتىنداعى پلاستيكالىق وتالارعا بٸرىڭعاي جيناقتاۋشى زەينەتاقى قورىنىڭ قاراجاتىن پايدالانۋ ٷشٸن جاپپاي ٶتٸنٸم بەرە باستاعان. سونىڭ نەتيجەسٸندە enpf-otbasy.kz پلاتفورماسىندا بۇل باعىتتاعى ٶتٸنٸمدەر 2025 جىلدىڭ 12 جەلتوقسانىنان باستاپ ۋاقىتشا توقتاتىلدى, دەپ حابارلايدى Ult.kz «وتباسى بانك» باسپاسٶز قىزمەتٸنە سٸلتەمە جاساپ.
ستوماتولوگييا مەن وفتالمولوگيياعا بجزق قاراجاتىن قولدانۋعا شەكتەۋ ەنگٸزٸلگەننەن كەيٸن, ازاماتتار پلاستيكالىق وپەراتسييالاردى جاڭا ماقسات رەتٸندە تاڭداي باستاعان. ەسٸرەسە وپەراتسييادان كەيٸنگٸ تىرتىقتاردى جويۋ جەنە تۋا بٸتكەن اقاۋلاردى تٷزەتۋگە ارنالعان ٶتٸنٸم كٷرت ارتتى.
بانك دەرەكتەرٸنە سٷيەنسەك, بۇعان دەيٸن پلاستيكالىق وتالارعا اي سايىن شامامەن 16 ٶتٸنٸم تٷسسە, قىركٷيەكتە ولاردىڭ سانى 123-كە جەتكەن. قازاندا – 1844, قاراشادا – 3878 ٶتٸنٸم تٸركەلگەن. ال جەلتوقساننىڭ العاشقى سەگٸز كٷنٸندە عانا 2093 ٶتٸنٸم بەرٸلگەن. بۇل – بۇرىنعى ايلىق كٶرسەتكٸشتەن 130 ەسە كٶپ. تەك جەلتوقسان ايىندا رەسٸمدەلگەن ٶتٸنٸمدەردٸڭ جالپى سوماسى 1,8 ملرد تەڭگەنٸ قۇراعان.
«ازاماتتاردىڭ زەينەتاقى قاراجاتىن ماقساتتى پايدالانۋ – بٸزدٸڭ باستى مٸندەتٸمٸز. پلاستيكالىق وپەراتسييالارعا سۇرانىستىڭ كٷرت ٶسۋٸ قاراجاتتىڭ ماقساتسىز جۇمسالۋ قاۋپٸن ارتتىردى. ٶكٸنٸشكە قاراي, كەيبٸر ازاماتتار بۇل مٷمكٸندٸكتٸ دەلدالدار ارقىلى زاڭسىز اقشا شەشۋگە پايدالانىپ وتىر. ناعىز پايدا كٶرٸپ وتىرعان – دەلدالدار. سوندىقتان ٶتٸنٸم قابىلداۋدى ۋاقىتشا توقتاتۋعا مەجبٷر بولدىق», – دەدٸ «وتباسى بانك» باسقارما تٶرايىمى لەززات يبراگيموۆا.
12 جەلتوقساننان باستاپ پلاستيكالىق وپەراتسييالارعا قاتىستى جاڭا ٶتٸنٸم قابىلدانبايدى. قازٸرگٸ ۋاقىتتا قارالىپ جاتقان 6294 ٶتٸنٸم قولدانىستاعى تەرتٸپكە ساي ٶڭدەلەتٸن بولادى.
سونىمەن قاتار ازاماتتاردا بجزق قاراجاتىن ٶمٸرلٸك ماڭىزى بار جوعارى تەحنولوگييالىق جەنە قىمبات مەديتسينالىق قىزمەتتەرگە پايدالانۋ قۇقىعى ساقتالادى. ولارعا مىنالار جاتادى:
• سيرەك (ورفاندىق) اۋرۋلاردى ەمدەۋ;
• راديونۋكليدتٸك جەنە راديويود تەراپيياسى;
• راديوحيرۋرگييالىق ەم;
• پروتوندىق تەراپييا.
بۇعان قوسا, زەينەتاقى جيناقتارىنىڭ بٸر بٶلٸگٸن تۇرعىن ٷي جاعدايىن جاقسارتۋعا پايدالانۋ مٷمكٸندٸگٸ دە بار: باسپانا ساتىپ الۋ, يپوتەكانى ٶتەۋ نەمەسە «وتباسى بانك» دەپوزيتٸن تولىقتىرۋ.
