Búgingi tańda zeinetaqy aktivteri tórt kompaniianyń senimgerlik basqarýynda. Bul týraly QazAqparat Qarjy naryǵyn retteý jáne damytý agenttigine silteme jasap habarlaidy.
«Olar «BCC Invest» AQ, «Halyk Global Markets» AQ, «Jusan Invset» AQ jáne «Sentras Sekiýritiz» AQ. 2022 jylǵy 1 sáýirde zeinetaqy aktivteri investitsiialyq portfeliniń quny 8,6 mlrd teńgeni qurady. Zeinetaqy aktivteri portfeliniń qurylymyna keri REPO mámileleri men aqsha qarajaty (29%), memlekettik baǵaly qaǵazdar, onyń ishinde QR memlekettik baǵaly qaǵazdary, QRUB nottary (25%), PAI-lar (24%), obligatsiialar (16%), aktsiialar men depozitarlyq qolhattar (5%) kiredi. Valiýtalar bóliginde zeinetaqy aktivteri portfeliniń qurylymynda ulttyq valiýta basym (71,5%), AQSh dollary zeinetaqy aktivteri portfeliniń 28,5%-yn quraidy», - delingen agenttik habarlamasynda.
