Jetisý oblysynda aýyr jol apaty bolyp, alty adam kóz jumdy. Taǵy bir jolaýshy jaraqat alyp, aýrýhanaǵa jetkizildi, dep habarlaidy ult.kz.
Qaiǵyly oqiǵa «Saryózek – Kóktal» avtojolynyń 110-shaqyrymynda bolǵan. Aldyn ala aqparatqa sáikes, Chevrolet Cobalt kóliginiń júrgizýshisi qarsy baǵyttaǵy jolaqqa shyǵyp ketip, sol sátte qarsy kele jatqan taǵy bir Cobalt kóligimen soqtyǵysqan.
Soqtyǵys saldarynan alty adam alǵan jaraqattarynan oqiǵa ornynda qaza tapqan. Taǵy bir adam túrli dene jaraqatymen meditsinalyq mekemege jetkizildi.
Oqiǵaǵa qatysty qylmystyq is qozǵaldy. Qazirgi tańda politsiia jol-kólik oqiǵasynyń naqty sebepteri men barlyq mán-jaiyn anyqtap jatyr.
