Threads áleýmettik jelisinde kiiz úi mańynda túsirilgen video qyzý talqylanyp, qoǵamnyń ártúrli pikirin týdyrdy, dep habarlaidy ult.kz.
Taralǵan kadrlarda bir top qyz-kelinshektiń dalada, kóleńkede jerge jaiylǵan pakettiń ústine qoiylǵan astan palaý jep otyrǵany kórinedi. Oqiǵa ulttyq naqyshta bezendirilgen kiiz úilerdiń janynda ótken. Alaida videoda áielderdiń arnaiy dastarhan nemese ústelsiz, tikelei jerge otyryp tamaq ishkeni baiqalady.
Bul kórinis áleýmettik jeli qoldanýshylary arasynda qyzý talqyǵa tústi. Biri mundai jaǵdaidy synǵa alyp, áielderge degen qurmettiń jetkiliksiz ekenin aitsa, endi biri bul jaǵdaidy turmystyq nemese uiymdastyrýdaǵy olqylyq retinde baǵalaǵan.
Jelide pikir qaldyrǵandardyń bir bóligi: «mundai kórinis ulttyq dástúrge sai kelmeidi», «adamǵa laiyq jaǵdai jasalýy kerek edi» degen oilaryn bildirdi. Al basqalary bul jaǵdaidy tym ásirelemei, naqty jaǵdaidy bilmei turyp qorytyndy jasaý durys emes ekenin alǵa tartty.
Belgili bolǵandai, videodaǵy qyz-kelinshekter Almaty oblysynan ekeni aitylady.
