Qazaqstan jeńil atletika federatsiiasy Aziia oiyndarynda sporttyq júristen marafondyq qashyqtyqta birinshi kelgen Iasmina Toqsanbaevanyń nátijesine qatysty narazylyq bildirip, shaǵym jiberdi, dep habarlaidy ult.kz.
Japoniiada ótip jatqan XX jazǵy Aziia oiyndarynda Iasmina Toqsanbaeva 42,195 shaqyrymdyq qashyqtyqty 3:22:20 nátijesimen birinshi bolyp aiaqtaǵan. Osylaisha ol Qazaqstan qorjynyna altyn júlde ákelgen.
Alaida jarystan keiin sportshynyń paidalanǵan aiaq kiimine qatysty protest berilip, nátijesinde onyń kórsetkishi joiylǵan.
Federatsiianyń málimetinshe, World Athletics uiymynyń ruqsat etilgen aiaq kiimder tiziminde ASICS brendi bar. Biraq Toqsanbaeva jarysta kigen aiaq kiimniń naqty modeli bul tizimge engizilmegen.
Sonymen birge sportshynyń aiaq kiimi jarys bastalǵanǵa deiin tekserilip, oǵan jarysqa qatysýǵa ruqsat berilgen.
Osyǵan bailanysty federatsiia Iasminanyń quqyqtary men múddesin qorǵaý úshin qabyldanǵan sheshimge shaǵym túsirip, tiisti narazylyq joldaǵan.
«Federatsiia óz jaýapkershiligin de joqqa shyǵarmaidy. Sportshynyń sapaly daiyndyǵy men jarystaǵy nátijesinen bólek, belgilengen reglamentter men tehnikalyq talaptardy saqtaý, sondai-aq halyqaralyq sport uiymdarynda sportshylardyń múddesin tiimdi qorǵaý da mańyzdy», – delingen málimdemede.
Federatsiia Iasminaǵa oqý-jattyǵý protsesin, meditsinalyq-biologiialyq súiemeldeýdi jáne jarysqa daiyndalýǵa qajetti jaǵdaidyń barlyǵyn qamtamasyz etkenin atap ótti.
Uiym halyqaralyq jarystarda qazaqstandyq sportshylardyń quqyqtary men múddesin qorǵaý jumysyn kúsheitý qajet ekenin aitty. Bul baǵyttaǵy jumys keshendi halyqaralyq jarystarda Ulttyq Olimpiada komitetiniń úilestirýimen júrgiziledi.
Federatsiia sonymen qatar shaǵym men narazylyqtyń nátijesine qaramastan, Iasmina Toqsanbaevaǵa chempionǵa tiesili barlyq syiaqy óz qarajaty esebinen tolyq kólemde tólenetinin málimdedi.
«Biz úshin Iasmina – chempion. Federatsiia ony qoldaýdy jalǵastyrady», – delingen resmi málimdemede.
Buǵan deiin Iasmina Toqsanbaeva krossovkasy úshin Aziadanyń altynynan aiyrylǵanyn jazǵanbyz.
