Ýkraina ortalyq sailaý komissiiasy seisenbi, 30 sáýirde prezident sailaýynyń ekinshi týrynyń qorytyndysyn bekitti.
Kievte ótken jiynda komissiia Ýkraina prezidenti sailaýynda Vladimir Zelenskiidiń jeńiske jetkenin resmi túrde habarlady. Qaýlyǵa prezidenttikke kandidattardyń ókilderi qol qoidy. Daýys berý nátijesine kúmán keltirgender bolmaǵan.
Ekinshi týrda Zelenskii – 73,23 paiyz, onyń básekelesi Petr Poroshenko 24,46 paiyz daýys jinaǵan.
Ýkrainada jańa prezidenttiń inaýgýratsiiasy sailaýdyń resmi qorytyndysy jariialanǵan soń 30 kún ishinde ótýi tiis. Onyń ýaqytyn joǵarǵy rada (parlament) bekitedi.
41 jastaǵy Vladimir Zelenskii – akter, shoýmen, prodiýser, "Kvartal-95" stýdiiasynyń jetekshisi. Prezidenttikke kandidat bolardan buryn saiasatqa aralaspaǵan, buryn-sońdy memlekettik laýazymdyq qyzmet atqarmaǵan.
53 jastaǵy Poroshenko buǵan deiin 2014 jyly mamyrda Ýkraina Prezidenti bolyp sailanǵan.
