ۋكراينا ورتالىق سايلاۋ كوميسسيياسى سەيسەنبٸ, 30 سەۋٸردە پرەزيدەنت سايلاۋىنىڭ ەكٸنشٸ تۋرىنىڭ قورىتىندىسىن بەكٸتتٸ.
كيەۆتە ٶتكەن جيىندا كوميسسييا ۋكراينا پرەزيدەنتٸ سايلاۋىندا ۆلاديمير زەلەنسكييدٸڭ جەڭٸسكە جەتكەنٸن رەسمي تٷردە حابارلادى. قاۋلىعا پرەزيدەنتتٸككە كانديداتتاردىڭ ٶكٸلدەرٸ قول قويدى. داۋىس بەرۋ نەتيجەسٸنە كٷمەن كەلتٸرگەندەر بولماعان.
ەكٸنشٸ تۋردا زەلەنسكيي – 73,23 پايىز, ونىڭ بەسەكەلەسٸ پەتر پوروشەنكو 24,46 پايىز داۋىس جيناعان.
ۋكراينادا جاڭا پرەزيدەنتتٸڭ يناۋگۋراتسيياسى سايلاۋدىڭ رەسمي قورىتىندىسى جارييالانعان سوڭ 30 كٷن ٸشٸندە ٶتۋٸ تيٸس. ونىڭ ۋاقىتىن جوعارعى رادا (پارلامەنت) بەكٸتەدٸ.
41 جاستاعى ۆلاديمير زەلەنسكيي – اكتەر, شوۋمەن, پروديۋسەر, "كۆارتال-95" ستۋديياسىنىڭ جەتەكشٸسٸ. پرەزيدەنتتٸككە كانديدات بولاردان بۇرىن ساياساتقا ارالاسپاعان, بۇرىن-سوڭدى مەملەكەتتٸك لاۋازىمدىق قىزمەت اتقارماعان.
53 جاستاعى پوروشەنكو بۇعان دەيٸن 2014 جىلى مامىردا ۋكراينا پرەزيدەنتٸ بولىپ سايلانعان.
