Ýkraina prezidenti Vladimir Zelenskii ýkrainalyqtarǵa baspanalaryn tastamaýdy surap, úndeý jasady, - dep habarlaidy Tengrinews.kz agenttigi.
"Keń aýqymdy soǵystyń 229-shy kúni. 229-shy kúni bizdi qurtyp, jer betinen óshirmekshi. Zaporojede úide uiyqtap jatqan adamdardy joidy. Dnepr men Kievte jumysqa bara jatqan adamdardy óltiredi.
Búkil Ýkrainada áýe dabyly basylmai tur. Zymyrandardyń soqqysy áli de órship tur. Ókinishke orai, qaza tapqandar men jaralanǵandar bar. Ótinip suraimyn, baspanalaryńyzdy qaldyrmańyzdar. Ózderińizdi, týystaryńyzdy qorǵańyzdar", - dep jazdy Zelenskii Telegram-da.
Zelenskii Kievke jasalǵan shabýyldardan keiingi kadrlardy da jariialady.
Kiev meri Vitalii Klichko zymyrandardyń qala ortalyǵyndaǵy (Shevchenkov aýdany) jáne Solomensk aýdanyndaǵy nysandarǵa túskenin aitty.
"Áýe shabýyly, iaǵni qaýip jalǵasyp jatyr. Kiev turǵyndaryna baspanada bolyńdar dep úndeý jasaǵym keledi. Qala mańyndaǵy eldi mekenderdiń turǵyndarynan qalaǵa shyqpaýlaryn suraimyn. Kievtiń ortalyq kóshelerin jaýyp tastady. Tártip saqshylary, qutqarý qyzmeti jumys istep jatyr", - dep jazdy Klichko.
Ýkraina Ishki ister ministrligi basshysynyń keńesshisi Rostislav Smirnovtyń aitýynsha, zymyran soqqysy saldarynan qalanyń Shevchenkov aýdanynda segiz adam qaza taýyp, taǵy 24 beibit turǵyn jaralanǵan.
