ۋكراينا پرەزيدەنتٸ ۆلاديمير زەلەنسكيي ۋكراينالىقتارعا باسپانالارىن تاستاماۋدى سۇراپ, ٷندەۋ جاسادى, - دەپ حابارلايدى Tengrinews.kz اگەنتتٸگٸ.
"كەڭ اۋقىمدى سوعىستىڭ 229-شى كٷنٸ. 229-شى كٷنٸ بٸزدٸ قۇرتىپ, جەر بەتٸنەن ٶشٸرمەكشٸ. زاپوروجەدە ٷيدە ۇيىقتاپ جاتقان ادامداردى جويدى. دنەپر مەن كيەۆتە جۇمىسقا بارا جاتقان ادامداردى ٶلتٸرەدٸ.
بٷكٸل ۋكراينادا ەۋە دابىلى باسىلماي تۇر. زىمىرانداردىڭ سوققىسى ەلٸ دە ٶرشٸپ تۇر. ٶكٸنٸشكە وراي, قازا تاپقاندار مەن جارالانعاندار بار. ٶتٸنٸپ سۇرايمىن, باسپانالارىڭىزدى قالدىرماڭىزدار. ٶزدەرٸڭٸزدٸ, تۋىستارىڭىزدى قورعاڭىزدار", - دەپ جازدى زەلەنسكيي Telegram-دا.
زەلەنسكيي كيەۆكە جاسالعان شابۋىلداردان كەيٸنگٸ كادرلاردى دا جارييالادى.
كيەۆ مەرٸ ۆيتاليي كليچكو زىمىرانداردىڭ قالا ورتالىعىنداعى (شەۆچەنكوۆ اۋدانى) جەنە سولومەنسك اۋدانىنداعى نىساندارعا تٷسكەنٸن ايتتى.
"ەۋە شابۋىلى, ياعني قاۋٸپ جالعاسىپ جاتىر. كيەۆ تۇرعىندارىنا باسپانادا بولىڭدار دەپ ٷندەۋ جاساعىم كەلەدٸ. قالا ماڭىنداعى ەلدٸ مەكەندەردٸڭ تۇرعىندارىنان قالاعا شىقپاۋلارىن سۇرايمىن. كيەۆتٸڭ ورتالىق كٶشەلەرٸن جاۋىپ تاستادى. تەرتٸپ ساقشىلارى, قۇتقارۋ قىزمەتٸ جۇمىس ٸستەپ جاتىر", - دەپ جازدى كليچكو.
ۋكراينا ٸشكٸ ٸستەر مينيسترلٸگٸ باسشىسىنىڭ كەڭەسشٸسٸ روستيسلاۆ سميرنوۆتىڭ ايتۋىنشا, زىمىران سوققىسى سالدارىنان قالانىڭ شەۆچەنكوۆ اۋدانىندا سەگٸز ادام قازا تاۋىپ, تاعى 24 بەيبٸت تۇرعىن جارالانعان.
