Ýkraina prezidenti Vladimir Zelenskii Resei armiiasynyń Herson oblysyndaǵy Kahov sý elektr stantsiiasyn minalap tastaǵany jóninde aqparat túskenin aitty.
Beisenbi kúni Briýsselde Eýrokeńes otyrysyna onlain qatysqan Zelenskii osylai dep málimdedi.
"Bizde reseilik terroristerdiń sý qoimasy men Kahov sý elektr stantsiiasynyń agregattaryn minalap tastaǵany jóninde aqparat bar. Bul - eldegi iri energiia nysandarynyń biri. Sý qoimasynda 18 mln tekshe metr sý bar. Eger reseilik terrorister sý qoimasyn jarsa, 80-nen astam eldi mekendi sý basýy múmkin" dedi Zelenskii. Onyń sózinen "Interfaks-Ýkraina" agenttigi úzindi keltiredi.
Ýkraina prezidentiniń aitýynsha, jarylys bolǵan jaǵdaida eldiń ońtústigindegi sýmen qamtamasyz etý júiesine nuqsan keledi. Buǵan qosa, Eýropadaǵy eń iri Zaporoje atom elektr stantsiiasy reaktorlaryn sýytatyn sý qalmai qalady. Oǵan sý Kahov sý qoimasynan alynady.
Zelenskii Kahov sý elektr stantsiiasyna halyqaralyq missiiany jiberip, ol jaqqa ýkrain qyzmetkerlerin qaitarý qajettigin atap ótti.
Kahov sý elektr stantsiiasyndaǵy bóget – Resei baqylaýynda qalǵan Dneprdegi ótkelderdiń biri. Amerikalyq Soǵysty zertteý institýty (ISW) jýyrda jariialaǵan taldaýynda Resei áskeri Hersonnan shegingen kezde qala men mańyndaǵy eldi mekenderdi sý astynda qaldyrý úshin sý qoimasyn jaryp ketýi múmkin dep málimdegen.
