Pavlodar qalasynda pyshaq ustaǵan er adam ózine kómek kórsetýge kelgen jedel járdem qyzmetkerlerine shabýyl jasady. Oqiǵa 10 maýsym kúni tústen keiin Nazarbaev dańǵylyndaǵy kópqabatty úilerdiń biriniń aýlasynda bolǵan, dep habarlaidy ult.kz.
Oblystyq jedel járdem stansasynyń málimetinshe, shaqyrtý saǵat 15:00 shamasynda túsken. Turǵyndardyń biri kóshede belgisiz er adamnyń jatqanyn habarlaǵan. Oqiǵa ornyna toǵyz minýt ishinde jetken meditsina qyzmetkerleri oǵan kómek kórsetýge árekettengen.
Alaida er adam agressiia tanytyp, dárigerlerge pyshaqpen tap bergen. Sondai-aq jedel járdem kóliginiń júrgizýshisin judyryqpen uryp, reanimobil salonyndaǵy dári-dármek ampýlalaryn syndyrǵan. Budan bólek, meditsinalyq qobdishany syrtqa laqtyryp, kóliktiń ishin búldirgen.
Oqiǵa ornyna shaqyrylǵan politsiia qyzmetkerleri kúdiktini ustady. Keiin ol mamandandyrylǵan meditsinalyq mekemege jatqyzyldy.
Zardap shekken meditsina qyzmetkerleri quqyq qorǵaý organdaryna aryz jazǵan. Atalǵan derek boiynsha jedel járdem qyzmetkerlerine kúsh qoldaný jáne qaýip tóndirý faktisimen qylmystyq is qozǵaldy.
