پاۆلودار قالاسىندا پىشاق ۇستاعان ەر ادام ٶزٸنە كٶمەك كٶرسەتۋگە كەلگەن جەدەل جەردەم قىزمەتكەرلەرٸنە شابۋىل جاسادى. وقيعا 10 ماۋسىم كٷنٸ تٷستەن كەيٸن نازارباەۆ داڭعىلىنداعى كٶپقاباتتى ٷيلەردٸڭ بٸرٸنٸڭ اۋلاسىندا بولعان, دەپ حابارلايدى ult.kz.
وبلىستىق جەدەل جەردەم ستانساسىنىڭ مەلٸمەتٸنشە, شاقىرتۋ ساعات 15:00 شاماسىندا تٷسكەن. تۇرعىنداردىڭ بٸرٸ كٶشەدە بەلگٸسٸز ەر ادامنىڭ جاتقانىن حابارلاعان. وقيعا ورنىنا توعىز مينۋت ٸشٸندە جەتكەن مەديتسينا قىزمەتكەرلەرٸ وعان كٶمەك كٶرسەتۋگە ەرەكەتتەنگەن.
الايدا ەر ادام اگرەسسييا تانىتىپ, دەرٸگەرلەرگە پىشاقپەن تاپ بەرگەن. سونداي-اق جەدەل جەردەم كٶلٸگٸنٸڭ جٷرگٸزۋشٸسٸن جۇدىرىقپەن ۇرىپ, رەانيموبيل سالونىنداعى دەرٸ-دەرمەك امپۋلالارىن سىندىرعان. بۇدان بٶلەك, مەديتسينالىق قوبديشانى سىرتقا لاقتىرىپ, كٶلٸكتٸڭ ٸشٸن بٷلدٸرگەن.
وقيعا ورنىنا شاقىرىلعان پوليتسييا قىزمەتكەرلەرٸ كٷدٸكتٸنٸ ۇستادى. كەيٸن ول مامانداندىرىلعان مەديتسينالىق مەكەمەگە جاتقىزىلدى.
زارداپ شەككەن مەديتسينا قىزمەتكەرلەرٸ قۇقىق قورعاۋ ورگاندارىنا ارىز جازعان. اتالعان دەرەك بويىنشا جەدەل جەردەم قىزمەتكەرلەرٸنە كٷش قولدانۋ جەنە قاۋٸپ تٶندٸرۋ فاكتٸسٸمەن قىلمىستىق ٸس قوزعالدى.
