Shyǵys Qazaqstan oblysy Zaisan aýdanynda maldyń qyrylý sebepteri anyqtalýda, dep habarlaidy "Ult aqparat".
28 sáýir men 12 mamyr aralyǵynda Zaisan aýdany Shilikti aýyldyq okrýginde jappai mal qyrylýda. Mal ieleriniń aitýynsha, 12 bas iri qara jáne 100 bas usaq mal ólgen. Qazirgi ýaqytta mamandar bunyń sebebin anyqtaýda. Osy jaily ShQO Veterinariia basqarmasy basshysynyń orynbasary Ertai Batholdin málimdedi.
«Shilikti aýyldyq okrýginde 17 azamattan 100-ge jýyq iri qara, 110 bas qoi-eshki dertke shaldyqqan. Sol jerde veterinariialyq dárigerler halyqpen birlesip, aýrý maldy emdeýde», - dedi ol.
Okrýg aýmaǵyn tekserý barysynda 12 bas iri qara, onyń ishinde 7 buzaý, 5 iri qara, 1 qozynyń ólekseleri tabyldy. Mamandar 1 qozy men 1 buzaýdan patologiialyq tekserý úshin synama alǵan.
«Atalǵan aýyldyq okrýgtegi barlyq mal basy qys mezgilinen kóterem shyqqan. 25-28 sáýir aralyǵynda aýa temperatýrasynyń tómendep, qar aralas jaýyn jaýdy. Osyǵan bailanysty álsiregen mal qolaisyz aýa-raiy saldarynan ólip jatyr. Aýyrǵan maldan patologiialyq synamalar alynyp, oblystyq zerthanaǵa tapsyryldy», - dedi ShQO veterinariia basqarmasy basshysynyń orynbasary.
Shilikti aýyldyq okrýginde barlyǵy 10 jarym myń bas iri qara, 24 myńnan astam usaq mal, 52 myń jylqy, 150 it, 2343 qus, 52 mysyq tirkelgen. Mal jyl boiy jaiylymda ustalady.
Aita keteiik, 2021 jylǵy veterinariialyq-profilaktikalyq sharalar tolyq kólemde oryndalǵan. Atap aitqanda, nodýliarlyq dermatitke, emkarǵa, qutyrý, sibir jarasy, juqpaly jylqy aýrýlaryna qarsy ýaqtyly ekpe salý jumystary júrgizildi. Atalǵan okrýkte sońǵy 3 jylda mal sharýashylyǵy boiynsha qaýipti indet tirkelmegen.
