Astanada ózin tarolog retinde tanystyrǵan 54 jastaǵy áieldiń páterinen esirtki ósiretin shaǵyn fitozerthana anyqtaldy, dep habarlaidy ult.kz.
Politsiianyń málimetinshe, áiel marihýana ósirý úshin jatyn bólmesindegi shkafty arnaiy jabdyqtap, jasandy jaryqtandyrý shamdary men qajetti qurylǵylar ornatqan.
Tintý kezinde tártip saqshylary birneshe túp marihýana ósimdigin jáne olardy kútip-baptaýǵa arnalǵan qural-jabdyqtardy tárkiledi.
Sondai-aq meditsinalyq kýálandyrý qorytyndysy boiynsha áieldiń esirtkilik mas kúide bolǵany belgili boldy.
Atalǵan fakti boiynsha qylmystyq is qozǵaldy. Tabylǵan ósimdikter men jabdyqtar aiǵaq zat retinde tárkilendi.
Politsiia dereginshe, jyl basynan beri zańsyz ainalymnan 70 keliden astam túrli esirtki zaty alynǵan. Sonymen qatar bir esirtki zerthanasy men bes fitozerthananyń jumysy toqtatylyp, 500-ge jýyq esirtkige qatysty quqyq buzýshylyq anyqtalǵan. Onyń ishinde tyiym salynǵan zattardy ótkizýdiń 161 deregi tirkeldi.
