2026 jyldyń alǵashqy jartyjyldyǵy Qazaqstan Respýblikasy Mádeniet jáne aqparat ministrligine qarasty bilim berý uiymdarynyń bilim alýshylary úshin tabysty boldy. Jas mýzykanttar, balet ártisteri, horeograftar men hor ujymdarynyń músheleri respýblikalyq jáne halyqaralyq baiqaýlar men festivalderde óner kórsetip, ulttyq óner mektebiniń mereiin ústem etti.
Jyl basynan beri túrli shyǵarmashylyq baiqaýlarǵa 1548 bilim alýshy qatysyp, olardyń 1231-i júldeger atandy.
Bul jetistik – jas ónerpazdardyń tabandy izdenisi men ustazdardyń eseli eńbeginiń jemisi. Olar klassikalyq mýzyka, balet, zamanaýi horeografiia, hor, fortepiano jáne sahna óneriniń ózge de baǵyttarynda baq synap, kásibi sheberligin pash etti.
Jas daryndar Perm qalasynda ótken Ekaterina Maksimova atyndaǵy XIX «Arabesk-2026» ashyq balet ártisteri baiqaýy, Astanada uiymdastyrylǵan Halyqaralyq jas horeograftardyń festival-baiqaýy, A.Isakova atyndaǵy XII halyqaralyq pianister baiqaýy, Sankt-Peterbýrgte ótken XI halyqaralyq balalar men jasóspirimder hor chempionaty, Máskeýde uiymdastyrylǵan XII halyqaralyq «Dance Moscow» jas horeografiia oryndaýshylary baiqaýy jáne Eurasia Piano Forum alańynda úzdikter qatarynan kórindi.
