Qazaqstandyq ánshi Zarina Omarova áleýmettik jelide ulynyń ózine aitqan ótinishin jariialap, oqyrmandardyń pikirin surady. Alaida kópshiliktiń nazaryn ulynyń sózi emes, jeli qoldanýshylarynyń ánshiniń ózin tanymaǵany aýdardy, dep habarlaidy ult.kz.
Óner iesi Threads paraqshasynda ulynyń:
«Men Zarina Omarovanyń uly bolyp tanylǵym kelmeidi. Ózim jetistikke jetip, óz atymmen tanylǵym keledi» degen sózin jariialaǵan.
Alaida jazbanyń astyna qaldyrylǵan pikirler arasynda ánshini tanymaitynyn ashyq jazǵandar kóp boldy.
«Tynyshtalyńyz, sizdi onsyz da eshkim tanymaidy», – dep jazdy qoldanýshylardyń biri.
Taǵy bir jeli qoldanýshysy:
«Biz sizdi tanymaimyz, ulyńyz alańdamai-aq qoisyn», – dep pikir qaldyrǵan.
Keibir oqyrmandar tipti Zarina Omarovany basqa adammen shatastyrǵanyn jasyrmady.
«Men onyń kim ekenin bilmeimin. Basynda Zarina Zańǵarova ma dep oilap qaldym», – dep jazdy pikir qaldyrýshylardyń biri.
Sonymen qatar ánshini qoldap shyqqandar da boldy. Olar aǵa býyn ókilderi men qazaq estradasyn jaqsy biletin kórermenderdiń Zarina Omarova men onyń ákesi, belgili ánshi Marat Omarovty jaqsy tanitynyn aitty.
Osylaisha, ulynyń jeke tulǵa retinde tanylǵysy keletini týraly jazba kútpegen jerden ánshiniń tanymaldylyǵy tóńiregindegi pikirtalasqa ulasyp, áleýmettik jelide qyzý talqylandy.
