قازاقستاندىق ەنشٸ زارينا وماروۆا ەلەۋمەتتٸك جەلٸدە ۇلىنىڭ ٶزٸنە ايتقان ٶتٸنٸشٸن جارييالاپ, وقىرمانداردىڭ پٸكٸرٸن سۇرادى. الايدا كٶپشٸلٸكتٸڭ نازارىن ۇلىنىڭ سٶزٸ ەمەس, جەلٸ قولدانۋشىلارىنىڭ ەنشٸنٸڭ ٶزٸن تانىماعانى اۋداردى, دەپ حابارلايدى ult.kz.
ٶنەر يەسٸ Threads پاراقشاسىندا ۇلىنىڭ:
«مەن زارينا وماروۆانىڭ ۇلى بولىپ تانىلعىم كەلمەيدٸ. ٶزٸم جەتٸستٸككە جەتٸپ, ٶز اتىممەن تانىلعىم كەلەدٸ» دەگەن سٶزٸن جارييالاعان.
الايدا جازبانىڭ استىنا قالدىرىلعان پٸكٸرلەر اراسىندا ەنشٸنٸ تانىمايتىنىن اشىق جازعاندار كٶپ بولدى.
«تىنىشتالىڭىز, سٸزدٸ ونسىز دا ەشكٸم تانىمايدى», – دەپ جازدى قولدانۋشىلاردىڭ بٸرٸ.
تاعى بٸر جەلٸ قولدانۋشىسى:
«بٸز سٸزدٸ تانىمايمىز, ۇلىڭىز الاڭداماي-اق قويسىن», – دەپ پٸكٸر قالدىرعان.
كەيبٸر وقىرماندار تٸپتٸ زارينا وماروۆانى باسقا اداممەن شاتاستىرعانىن جاسىرمادى.
«مەن ونىڭ كٸم ەكەنٸن بٸلمەيمٸن. باسىندا زارينا زاڭعاروۆا ما دەپ ويلاپ قالدىم», – دەپ جازدى پٸكٸر قالدىرۋشىلاردىڭ بٸرٸ.
سونىمەن قاتار ەنشٸنٸ قولداپ شىققاندار دا بولدى. ولار اعا بۋىن ٶكٸلدەرٸ مەن قازاق ەستراداسىن جاقسى بٸلەتٸن كٶرەرمەندەردٸڭ زارينا وماروۆا مەن ونىڭ ەكەسٸ, بەلگٸلٸ ەنشٸ مارات وماروۆتى جاقسى تانيتىنىن ايتتى.
وسىلايشا, ۇلىنىڭ جەكە تۇلعا رەتٸندە تانىلعىسى كەلەتٸنٸ تۋرالى جازبا كٷتپەگەن جەردەن ەنشٸنٸڭ تانىمالدىلىعى تٶڭٸرەگٸندەگٸ پٸكٸرتالاسقا ۇلاسىپ, ەلەۋمەتتٸك جەلٸدە قىزۋ تالقىلاندى.
