Almaty kóshelerin keńestik ataýlarmen ataýǵa qarsy daý órship turǵanda aktrisa Zarina Karmenniń «Jalǵan patriotizmniń iisi ańqyp tur» dep jazǵan pikiri áleýmettik jeli qoldanýshylarynyń synyna ushyrady, dep habarlaidy ult.kz.
Aktrisanyń jazbasy Almatydaǵy kóshe ataýlaryna qatysty qoǵamdyq talqylaý kezinde jariialandy. Ol naqty kimderdi meńzegenin ashyp aitpasa da, jeli qoldanýshylarynyń bir bóligi onyń sózin ulttyq máselelerge qatysty pikir bildirgen azamattarǵa baǵyttalǵan ishara retinde qabyldady.
Synnan keiin Zarina Karmen óz oiyn túsindirýge tyrysty. Onyń aitýynsha, ol qoǵamdaǵy ózekti máselelerdi paidalanyp, qaralym jinaýǵa tyrysatyn adamdardy meńzegen.
«Meniń aitqanym – osyndai máselelerdi paidalanyp, túrli jolmen ohvat jinap, qaralym qýatyn adamdar týraly. Óitkeni ondaidy kórdim, oqydym. Kórgenimdi, baiqaǵanymdy ǵana aittym», – dep jazdy aktrisa.
Sondai-aq ol eshkimdi jeke aiyptamaǵanyn aityp, ózine baǵyttalǵan aýyr pikirlerge narazylyǵyn bildirdi. Aktrisa pikir bildirý men kelispeýdiń de ádebi bolýy keregin eske saldy.
Keiingi jazbasynda Karmen oiyn jalpylama jetkizgen bolýy múmkin ekenin moiyndady. Sonymen birge ol qoǵamnyń jaqsy jaqqa ózgerýine úles qosyp júrgen adamdardy qurmetteitinin atap ótti.
Alaida onyń túsindirmesi jelidegi talqylaýdy toqtatpady. Keibir qoldanýshylar aktrisa qatysqan qazaq tilindegi filmder men teatr qoiylymdaryna barmaýǵa shaqyryp, boikot jariialaý týraly pikir bildirdi.
Taǵy bir jeli qoldanýshysy Zarina Karmenniń talantty aktrisa ekenin aita otyryp, onyń qoǵamdaǵy ótkir máseleler talqylanyp jatqanda ekiushty pikir bildirýi bedeline keri áser etýi múmkin ekenin jazdy.
Qazir áleýmettik jelide aktrisanyń jazbasyna qatysty pikirtalas jalǵasyp jatyr.
Aita keteiik, buǵan deiin Almaty kósheleriniń jańa ataýlaryn «moiyndamaimyn» degen blogerdi Jeli qoldanýshylary jappai synǵa alǵan.
