الماتى كٶشەلەرٸن كەڭەستٸك اتاۋلارمەن اتاۋعا قارسى داۋ ٶرشٸپ تۇرعاندا اكتريسا زارينا كارمەننٸڭ «جالعان پاتريوتيزمنٸڭ يٸسٸ اڭقىپ تۇر» دەپ جازعان پٸكٸرٸ ەلەۋمەتتٸك جەلٸ قولدانۋشىلارىنىڭ سىنىنا ۇشىرادى, دەپ حابارلايدى ult.kz.
اكتريسانىڭ جازباسى الماتىداعى كٶشە اتاۋلارىنا قاتىستى قوعامدىق تالقىلاۋ كەزٸندە جارييالاندى. ول ناقتى كٸمدەردٸ مەڭزەگەنٸن اشىپ ايتپاسا دا, جەلٸ قولدانۋشىلارىنىڭ بٸر بٶلٸگٸ ونىڭ سٶزٸن ۇلتتىق مەسەلەلەرگە قاتىستى پٸكٸر بٸلدٸرگەن ازاماتتارعا باعىتتالعان يشارا رەتٸندە قابىلدادى.
سىننان كەيٸن زارينا كارمەن ٶز ويىن تٷسٸندٸرۋگە تىرىستى. ونىڭ ايتۋىنشا, ول قوعامداعى ٶزەكتٸ مەسەلەلەردٸ پايدالانىپ, قارالىم جيناۋعا تىرىساتىن ادامداردى مەڭزەگەن.
«مەنٸڭ ايتقانىم – وسىنداي مەسەلەلەردٸ پايدالانىپ, تٷرلٸ جولمەن وحۆات جيناپ, قارالىم قۋاتىن ادامدار تۋرالى. ٶيتكەنٸ وندايدى كٶردٸم, وقىدىم. كٶرگەنٸمدٸ, بايقاعانىمدى عانا ايتتىم», – دەپ جازدى اكتريسا.
سونداي-اق ول ەشكٸمدٸ جەكە ايىپتاماعانىن ايتىپ, ٶزٸنە باعىتتالعان اۋىر پٸكٸرلەرگە نارازىلىعىن بٸلدٸردٸ. اكتريسا پٸكٸر بٸلدٸرۋ مەن كەلٸسپەۋدٸڭ دە ەدەبٸ بولۋى كەرەگٸن ەسكە سالدى.
كەيٸنگٸ جازباسىندا كارمەن ويىن جالپىلاما جەتكٸزگەن بولۋى مٷمكٸن ەكەنٸن مويىندادى. سونىمەن بٸرگە ول قوعامنىڭ جاقسى جاققا ٶزگەرۋٸنە ٷلەس قوسىپ جٷرگەن ادامداردى قۇرمەتتەيتٸنٸن اتاپ ٶتتٸ.
الايدا ونىڭ تٷسٸندٸرمەسٸ جەلٸدەگٸ تالقىلاۋدى توقتاتپادى. كەيبٸر قولدانۋشىلار اكتريسا قاتىسقان قازاق تٸلٸندەگٸ فيلمدەر مەن تەاتر قويىلىمدارىنا بارماۋعا شاقىرىپ, بويكوت جارييالاۋ تۋرالى پٸكٸر بٸلدٸردٸ.
تاعى بٸر جەلٸ قولدانۋشىسى زارينا كارمەننٸڭ تالانتتى اكتريسا ەكەنٸن ايتا وتىرىپ, ونىڭ قوعامداعى ٶتكٸر مەسەلەلەر تالقىلانىپ جاتقاندا ەكٸۇشتى پٸكٸر بٸلدٸرۋٸ بەدەلٸنە كەرٸ ەسەر ەتۋٸ مٷمكٸن ەكەنٸن جازدى.
قازٸر ەلەۋمەتتٸك جەلٸدە اكتريسانىڭ جازباسىنا قاتىستى پٸكٸرتالاس جالعاسىپ جاتىر.
ايتا كەتەيٸك, بۇعان دەيٸن الماتى كٶشەلەرٸنٸڭ جاڭا اتاۋلارىن «مويىندامايمىن» دەگەن بلوگەردٸ جەلٸ قولدانۋشىلارى جاپپاي سىنعا العان.
