Qazaqstandyq Zarina Diias Nottingem WTA 250 týrniriniń shirek finalyna shyǵa almady, dep habarlaidy "Ult aqparat".
Dúniejúzilik reitingte 93-orynda turǵan Z.Diias kógal tósenishinde ótip jatqan jarystyń úshinshi ainalymynda álemniń 46-ynshy, osy dodanyń 4-raketkasy, qytailyq Chjan Shýaimen kúsh synasty.
Birinshi partiiany qytailyq tennisshi breikpen bitirdi – 6:4.
Ekinshi sette esep 2:1 bolǵan mezette Ch.Shýai breik jasap ketti. Aqyry ol matchty taǵy bir breikpen túiindedi – 6:2.
Báseke 1 saǵat 11 minýtqa sozyldy.
Qytailyq sportshy jartylai finalǵa shyǵý úshin álemniń 61-raketkasy, frantsiialyq Kristina Mladenovichpen talasady. Ol tartysty matchta reitingte 110-satydaǵy amerikalyq Keti Maknallidi 7:6 (8:6), 1:6, 6:1 esebimen tize búktirdi.
