قازاقستاندىق زارينا ديياس نوتتينگەم WTA 250 تۋرنيرٸنٸڭ شيرەك فينالىنا شىعا المادى, دەپ حابارلايدى "ۇلت اقپارات".
دٷنيەجٷزٸلٸك رەيتينگتە 93-ورىندا تۇرعان ز.ديياس كٶگال تٶسەنٸشٸندە ٶتٸپ جاتقان جارىستىڭ ٷشٸنشٸ اينالىمىندا ەلەمنٸڭ 46-ىنشى, وسى دودانىڭ 4-راكەتكاسى, قىتايلىق چجان شۋايمەن كٷش سىناستى.
بٸرٸنشٸ پارتييانى قىتايلىق تەننيسشٸ برەيكپەن بٸتٸردٸ – 6:4.
ەكٸنشٸ سەتتە ەسەپ 2:1 بولعان مەزەتتە چ.شۋاي برەيك جاساپ كەتتٸ. اقىرى ول ماتچتى تاعى بٸر برەيكپەن تٷيٸندەدٸ – 6:2.
بەسەكە 1 ساعات 11 مينۋتقا سوزىلدى.
قىتايلىق سپورتشى جارتىلاي فينالعا شىعۋ ٷشٸن ەلەمنٸڭ 61-راكەتكاسى, فرانتسييالىق كريستينا ملادەنوۆيچپەن تالاسادى. ول تارتىستى ماتچتا رەيتينگتە 110-ساتىداعى امەريكالىق كەتي ماكنالليدٸ 7:6 (8:6), 1:6, 6:1 ەسەبٸمەن تٸزە بٷكتٸردٸ.
