Foto: polisia.kz
Atyraý oblysynda kóshi-qon zańnamasyn buzǵan 15 sheteldik el aýmaǵynan májbúrli túrde shyǵaryldy. Olarǵa Qazaqstanǵa 5 jylǵa deiin qaita kirýge tyiym salyndy, dep habarlaidy Ult.kz.
Quqyq qorǵaý organdarynyń málimetinshe, bul azamattar sottyń elden shyǵarý týraly sheshimin oryndaýdan jaltarǵan.
Kóshi-qon qyzmeti sheteldikterdiń zań talaptaryn saqtaýyn baqylaý maqsatynda óńirde keshendi reidter júrgizip jatyr.
Zań buzǵan azamattar Mańǵystaý oblysyndaǵy Beineý aýdanynda ornalasqan «Tájen-avto» baqylaý-ótkizý beketi arqyly elden shyǵaryldy.
