Sýret ashyq derekkózden alyndy

15 jeltoqsannan bastap politseiler respýblika aýmaǵynda zańsyz aǵash kesýdi anyqtaý jáne jolyn kesý sharalaryn bastady. Bul týraly QR Ishki ister ministrliginiń ókili Shuǵyla Turlybek aitty, dep habarlaidy QazAqparat agenttigi.

Baqylaýdy kúsheitý maqsatynda avtojoldarda, sondai-aq bazarlarda jáne basqa jerlerde 300-den astam mobildi top qurylǵan.

«Jańa jyldyq merekeler qarsańynda politseiler tabiǵatty qorǵaý zańnamasynyń saqtalýyn baqylaýdy kúsheitti. Eldi mekenderde qylqan japyraqty aǵashtardyń satylýyn baqylaý, olardy belgilenbegen jerde ótkizýge tyiym salý, sondai-aq tiisti qujattarǵa tekserý júrgiziledi», - dedi Ishki ister ministrliginiń ókili aptalyq onlain brifingide.

Onyń aitýynsha, qylqan japyraqty aǵashty satýǵa ruqsat bolmasa, satýshy jasyl jelekti kútip ustaý jáne qorǵaý erejelerin buzǵany úshin ákimshilik jaýapkershilikke tartylýy múmkin.

Osy bap boiynsha: jeke tulǵalarǵa 15 AEK mólsherinde, shaǵyn kásipkerlik sýbektilerine nemese kommertsiialyq emes uiymdarǵa – 30 AEK, orta kásipkerlik sýbektilerine – 50 AEK, iri kásipkerlik sýbektilerine – 150 AEK mólsherinde aiyppul salynady nemese eskertýler jasalady.

«Orman kóshetterin zańsyz kesý anyqtalǵanda QR Qylmystyq kodeksinde bas bostandyǵynan aiyrý túrindegi eń joǵary jaza kózdeledi. Atalǵan aldyn alý sharasy jańa jyldyq merekelerge deiin jalǵasady», - deidi Sh. Turlybek.