kórneki foto: Halyq Uni
Bas prokýrordyń orynbasary Ulan Baijanov vedomstvo Qazaqstannan urlanǵan aktivterdi qalai anyqtaitynyn aitty, - dep habarlaidy Tengrinews.kz.
Senat kýlýarynda jýrnalister Bas prokýrordyń orynbasarynan vedomstvo elden zańsyz shyǵarylǵan aktivterdi qalai biletinin jáne mundai isterdiń qanshasy ázirlenip jatqanyn surady.
"Qanshasy ázirlenip jatqanyn aitpaimyn. Jumysymyzdyń keibir qyr-syryn bilýdiń qajeti joq", - dep jaýap berdi Ulan Baijanov.
Bul rette ol birinshi kezeńde Bas prokýratýra barlyq ashyq aqparatty jinaitynyn qosty.
"Birinshi kezeńde qolda bar barlyq ashyq aqparat jinalatyny anyq. Jedel-izdestirý sipatyndaǵy analitikalyq jazbalar, anyqtamalar men ázirlemeler, suraý salýlar bar, sonymen qatar azamattar aqparaty, ótinishter, baspa materialdary bar. Bulardyń barlyǵy qoldanylady. Sondai-aq memlekettik organdar ózderiniń tikelei fýnktsiialary aiasynda, sonyń ishinde baqylaý men qadaǵalaýdy júzege asyrý aiasynda belgili bir zańbuzýshylyqtarǵa tap bolǵan kezde bizge beretin materialdar bar", - dep túsindirdi ol.
