Foto: Yandex
QMA Almaty oblysy boiynsha departamenti elimizde zańsyz onlain-kazino uiymdastyrǵan «1WIN» uiymyna qatysty sotqa deiingi tergep-tekserýdi bastady, dep habarlaidy "Ult aqparat" Qarjylyq monitoring agenttigine silteme jasap.
Atalǵan uiym Qazaqstan aýmaǵynda ǵana emes, sondai-aq TMD jáne alys shetelde qyzmet atqarǵan. Onlain platforma myńdaǵan jerlesterimizdi zańsyz oiyn biznesine tartyp qana qoimai, býkmekerlik qyzmetti tiisti lizentsiiasyz atqarǵan.
"Aqsha qarajaty ǵalamtor-ekvairing arqyly jáne aýtentifikatsiialaýsyz qabyldanýy, qumar oiyndarǵa kámeletke tolmaǵandardyń qatysýyna da múmkindik berdi.
Qazaqstan zańnamasyna sáikes elde onlain-kazinonyń qyzmetine tyiym salynǵan, al býkmekerlik qyzmetter tiisti litsenziia bolǵan jaǵdaida usynylady.
Qazirgi tańda zańsyz oiyn biznesin uiymdastyrýshy kúdikti retinde tanylyp, qajetti tergeý jáne jedel izdestirý áreketteri jalǵasyp jatyr" - delingen habarlamada.
QR QPK 201 babyna sáikes ózge aqparat jariialaýǵa jatpaidy. QR Konstitýtsiiasynyń 77-babynyń 3-tarmaǵynyń 1-tarmaqshasyna jáne QR Qylmystyq-protsestik kodeksiniń 19-babynyń 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árkim kinásiz dep esepteledi.
