Foto: Polisia.kz
Ishki ister ministrliginiń kóshi-qon qyzmeti komiteti "Migrant" respýblikalyq jedel-profilaktikalyq is-sharasyn ótkizip, zańnama buzýdyń 10 myńǵa jýyq faktisi anyqtady, - dep habarlaidy Ult.kz.
4,5 myń sheteldik azamat elde bolý merzimin buzsa, 2,5 myńy zańsyz eńbek qyzmetimen ainalysqan. Onyń ishinde 60 zańsyz taksi júrgizýshisi bar.
"Atap ketsek, buǵan deiin júrgizilgen arnaiy operatsiia kezinde 700-ge jýyq zańsyz taksi júrgizýshisi anyqtalǵan bolatyn. 1240 sheteldik sot sheshimimen elden shyǵarylyp, olarǵa bes jylǵa Qazaqstanǵa kirýge tyiym salyndy. Zań buzýshylardyń basym bóligi jaqyn shet memleketten kelgender. Biraq odan bólek Bangladesh, Egipet, Italiia, Nigeriia jáne Madagaskar azamattary da anyqtaldy. Izdeýde júrgen 20 sheteldik ustaldy", - dedi IIM kóshi-qon qyzmeti komitetiniń tóraǵasy Aslan Atalyqov.
2200 qabyldaýshy tulǵa sheteldikterdiń kelýi týraly politsiiaǵa habarlamaǵany úshin ákimshilik jaýapkershilikke tartyldy. Olarǵa 12 mln teńge aiyppul salyndy. 500 qazaqstandyq jumys berýshige sheteldikterdi zańsyz jumysqa tartqany úshin 33 mln teńge aiyppul salyndy. Olardyń ishinde bes tulǵa osyndai áreketti buryn da jasaǵan. Qazir bul azamattar qylmystyq jaýapkershilikke tartylyp jatyr. Sheteldikterge jalǵan qujattar rásimdegen Qazaqstan azamattaryna qatysty 12 qylmystyq is qozǵaldy.
"Mysaly, Astana qalasynda bir ýniversitet jataqhanasynda komendant 56 eńbek migrantyna stýdent retinde ýaqytsha turýǵa ruqsat bergen. Almaty oblysynda notariýstyń kómekshisi sheteldikterdi "joq" mekenjailarǵa tirkeý úshin jalǵan senimhattar rásimdegen. Barlyq faktiler boiynsha sotqa deiingi tergeý júrgizilýde", - dedi Aslan Atalyqov.
IIM migratsiialyq zańnamany saqtaýǵa jáne sheteldik qonaqtar men Qazaqstan azamattaryn kóshi-qon máseleleri boiynsha zańsyz qyzmet kórsetetin kúmándi tulǵalarǵa júginbeýge shaqyrady.
"Sheteldikterdiń kelýi týraly habarlama berý, jeke sáikestendirý nómirin alý, daktoregistratsiiany ótý jáne ýaqytsha turýǵa ruqsat rásimdeý úshin memleket tólem almaidy. Zań men tártipti saqtaýǵa shaqyramyz", - dep atap ótti IIM kóshi-qon qyzmeti komitetiniń tóraǵasy Aslan Atalyqov.
