QR Energetika ministri Bolat Aqsholaqov zańsyz mainerlerdiń eldegi energetika teńgerimine qalai keri áser etip otyrǵanyn aitty, dep habarlaidy QazAqparat.
Ortalyq kommýnikatsiialar qyzmetinde ótken brifingide BAQ ókilderi vedomstvo basshysyna Reseiden elektr importtaý qashanǵa deiin jalǵasatynyn surady.
«Bizde jalpy jylyna 14 mln kVt/saǵ energetika tutynylady. Onyń kóbin ózimiz óndiremiz. Biraq tapshylyq bolǵan kezde Resei Federatsiiasynan qosymsha energiia alamyz. Jalpy qazirgi ýaqytta tańǵy jáne keshki ýaqyttarda tutynýshylardyń kólemi ósedi. Sol sebepti osy ýaqytta 600-700 MVt-qa deiin Resei Federatsiiasynan qýat alamyz», - dedi ministr.
Onyń aitýynsha, Energetika ministrligi usynyp otyrǵan jospar iske assa, reseiden elektr qýatyn importtaý 2026 jylǵa qarai toqtaýy múmkin.
«Eger zańsyz qosylǵan mainerlerdi alyp tastasaq, ásirese, Reseiden elektr qýatyn almaýǵa da bolatyn edi negizi. Qazir biz sol baǵytta jumys istep jatyrmyz. Árine, elektr generatsiiasyn damytsaq, jospar boiynsha 2026 jylǵa deiin qosymsha stantsiiany iske qossaq, bizge eshqandai importtyń, ásirese Resei Federatsiiasynan alýdyń eshqandai qajeti bolmaidy», - dedi Bolat Aqsholaqov.
