674 shetel azamaty bes jyl boiy Qazaqstan aýmaǵyna kirý quqyǵynsyz sot tártibimen elden shyǵaryldy. Bul týraly Senattyń jalpy otyrysynda depýtat Nurlan Beknazarov aitty, dep habarlaidy "Ult aqparat".
«Mysaly, pandemiia kezeńinde shekaralar jabylyp, kóptegen migranttar shekteýlerge bailanysty Qazaqstan Respýblikasynyń aýmaǵynan shyǵa almady, soǵan bailanysty Úkimettiń arnaiy qaýlysy qabyldanyp, elde bolý merzimi uzartyldy. Jalpy, osy jyldyń qańtar-aqpan ailarynda halyqaralyq kóshi- qon uiymymen birlesip júrgizilgen jumys nátijesinde 133 myń migrant óz eline oraldy.
Óz erkimen ketýden bas tartqan jáne tergeý organdarynan jasyrynǵan 674 shetel azamaty bes jyl boiy Qazaqstan aýmaǵyna kirý quqyǵynsyz sot tártibimen elden shyǵarylyp, zańsyz kóshi-qon uiymdastyrǵany úshin 27 qylmystyq is qozǵalǵan», - dedi Nurlan Beknazarov.
Onyń aitýynsha, kóshi-qon elimizdegi ulttyq qaýipsizdikke, áleýmettik – ekonomikalyq jaǵdaiǵa tikelei áser etetin sala bolǵandyqtan, kóshi-qon protsesterin rettep, zańsyz kóshi-qonnyń aldyn alý úshin tiisti quqyqtyq negizder jasaý óte mańyzdy.
Budan buryn habarlanǵandai, búgin Senattyń jalpy otyrysynda «Qazaqstan Respýblikasynyń Úkimeti men Qyrǵyz Respýblikasynyń Úkimeti arasyndaǵy kóshi-qon salasyndaǵy yntymaqtastyq týraly kelisimdi ratifikatsiialaý týraly» Zańy qabyldandy.
