674 شەتەل ازاماتى بەس جىل بويى قازاقستان اۋماعىنا كٸرۋ قۇقىعىنسىز سوت تەرتٸبٸمەن ەلدەن شىعارىلدى. بۇل تۋرالى سەناتتىڭ جالپى وتىرىسىندا دەپۋتات نۇرلان بەكنازاروۆ ايتتى, دەپ حابارلايدى "ۇلت اقپارات".
«مىسالى, پاندەمييا كەزەڭٸندە شەكارالار جابىلىپ, كٶپتەگەن ميگرانتتار شەكتەۋلەرگە بايلانىستى قازاقستان رەسپۋبليكاسىنىڭ اۋماعىنان شىعا المادى, سوعان بايلانىستى ٷكٸمەتتٸڭ ارنايى قاۋلىسى قابىلدانىپ, ەلدە بولۋ مەرزٸمٸ ۇزارتىلدى. جالپى, وسى جىلدىڭ قاڭتار-اقپان ايلارىندا حالىقارالىق كٶشٸ- قون ۇيىمىمەن بٸرلەسٸپ جٷرگٸزٸلگەن جۇمىس نەتيجەسٸندە 133 مىڭ ميگرانت ٶز ەلٸنە ورالدى.
ٶز ەركٸمەن كەتۋدەن باس تارتقان جەنە تەرگەۋ ورگاندارىنان جاسىرىنعان 674 شەتەل ازاماتى بەس جىل بويى قازاقستان اۋماعىنا كٸرۋ قۇقىعىنسىز سوت تەرتٸبٸمەن ەلدەن شىعارىلىپ, زاڭسىز كٶشٸ-قون ۇيىمداستىرعانى ٷشٸن 27 قىلمىستىق ٸس قوزعالعان», - دەدٸ نۇرلان بەكنازاروۆ.
ونىڭ ايتۋىنشا, كٶشٸ-قون ەلٸمٸزدەگٸ ۇلتتىق قاۋٸپسٸزدٸككە, ەلەۋمەتتٸك – ەكونوميكالىق جاعدايعا تٸكەلەي ەسەر ەتەتٸن سالا بولعاندىقتان, كٶشٸ-قون پروتسەستەرٸن رەتتەپ, زاڭسىز كٶشٸ-قوننىڭ الدىن الۋ ٷشٸن تيٸستٸ قۇقىقتىق نەگٸزدەر جاساۋ ٶتە ماڭىزدى.
بۇدان بۇرىن حابارلانعانداي, بٷگٸن سەناتتىڭ جالپى وتىرىسىندا «قازاقستان رەسپۋبليكاسىنىڭ ٷكٸمەتٸ مەن قىرعىز رەسپۋبليكاسىنىڭ ٷكٸمەتٸ اراسىنداعى كٶشٸ-قون سالاسىنداعى ىنتىماقتاستىق تۋرالى كەلٸسٸمدٸ راتيفيكاتسييالاۋ تۋرالى» زاڭى قابىلداندى.
