Qazaqstandyq kásipqoi boksshy Jánibek Álimhanuly WBO nusqasy boiynsha ekinshi orta salmaqtaǵy álem chempiony ataǵyna mindetti úmitker bolyp tanyldy, dep ult.kz tilshisi Sportinside.kz basylymyna silteme jasap habarlaidy.
Búkilálemdik boks uiymy bul mártebeni Jánibekke berip, daniialyq Iakob Banktiń dál osyndai talappen bergen ótinishin qanaǵattandyrmaǵan.
Qazaqstandyq boksshynyń buǵan deiin orta salmaqta WBO jáne IBF belbeýlerine ielik etkeni sheshýshi faktorlardyń biri boldy. Sonymen qatar Jánibek álem chempiony ataǵyn birneshe ret sátti qorǵaǵan.
WBO qaǵidalary boiynsha, buǵan deiin álem chempiony atanyp, belbeýin qorǵaǵan boksshy jańa salmaq dárejesine aýysqan kezde artyqshylyqqa ie bolýy múmkin.
Endi Jánibek Álimhanuly ekinshi orta salmaqtaǵy WBO chempiony Hamza Shirazben titýldyq jekpe-jek ótkizýi tiis.
Uiym eki tarapqa kelissózderdi bastaýǵa 20 kún ýaqyt bergen. Osy merzim ishinde boksshylardyń komandalary jekpe-jektiń sharttary boiynsha ortaq mámilege kelýi kerek.
Eger kelisim jasalmasa, tamyz aiynyń sońynda chempiondyq aiqasty ótkizý quqyǵyna promoýterlik saýda uiymdastyrylady.
