Aktrisa Janel Maqajan burynǵy kúieýi Abai Asylhannyń ortaq qyzdaryna úsh aidan astam ýaqyt boiy moraldyq ári materialdyq turǵyda qoldaý kórsetpei júrgenin málimdedi, dep habarlaidy ult.kz.

Aktrisanyń aitýynsha, Abai otbasynan bólek ketken kezde balalardyń kútýshisine, balabaqshasyna, tamaǵy men kiimine qajetti shyǵyndardy óz moinyna alýǵa ýáde bergen. Alaida Janel bul ýádeniń oryndalmaǵanyn aitty.

«Úsh aidan astam ýaqyt boldy, balalarǵa eshqandai moraldyq ta, materialdyq ta qoldaý joq», – dedi aktrisa.

Janel burynǵy kúieýiniń toilar men túrli sharalarda jumys istep júrgenin estitinin aityp, máseleni zań aiasynda sheshý úshin advokat izdeitinin jetkizdi.

Aita keteiik, buǵan deiin aktrisa kúieýimen ajyrasyp ketkenin aitqan edi. 

Janel Maqajan kim?

Janel Maqajan – qazaqstandyq teatr jáne kino aktrisasy. Ol 1987 jyly týǵan. T.Júrgenov atyndaǵy Qazaq ulttyq óner akademiiasyn «drama teatry jáne kino aktrisasy» mamandyǵy boiynsha támamdaǵan. 2015 jyldan beri Muhtar Áýezov atyndaǵy Qazaq memlekettik akademiialyq drama teatrynyń akterlik quramynda óner kórsetedi.

Aktrisa kórermenge «Qosh bol, Gúlsary!», «Aýyldan qashý», «Alaiaqtar», «Kórshi», «Balýan Sholaq», «Ómirden keiin» siiaqty filmder men teleserialdardaǵy rólderi arqyly tanys.

2021 jyly Janel Maqajan akter ári júrgizýshi Abai Asylhanmen otbasyn qurǵan. 2023 jyly olardyń ortaq qyzy dúniege kelgeni jazylǵan.

Sońǵy ýaqytta aktrisa jeke ómirine qatysty málimdemelerimen de jii nazarǵa ilinip júr.