Qasym-Jomart Toqaev prezident sailaýyna koalitsiianyń atynan túsetinin málimdedi. Ádilet ministri Qanat Mýsinniń aitýynsha, zańda buǵan shekteý joq, dep habarlaidy "Ult aqparat" Sputnik Qazaqstan portalyna silteme jasap.
"Zań boiynsha bir respýblikalyq birlestik bir kandidatty usyna alady. Al koalitsiia degen - saiasi termin. Barlyǵy usynsa, ol koalitsiia bolyp sanalady", - dedi Qanat Mýsin jýrnalisterge bergen suhbatynda.
Onyń aitýynsha, koalitsiia atynan kandidat shyǵarý úshin birlesken sezd jáne basqa da jiyn ótkizýdiń qajeti joq. Sebebi árbir uiym óz usynysyn jasap qoiǵan. Al zańda koalitsiia atynan sailaýǵa qatysýǵa shekteý qarastyrylmaǵan.
Eske salaiyq, keshe Pavlodar oblysynyń jurtshylyǵymen kezdesken Memleket basshysy Qasym-Jomart Toqaev ártúrli respýblikalyq birlestikter men partiialardan olardyń atynan úmitker bolý týraly usynystar túsip jatqanyn aitqan bolatyn.
«Men belgili bir uiymnan emes, elimizde júrgizilip jatqan reformalardyń áleýmettik negizin qalyptastyratyn qoǵamdyq-saiasi kúshterdiń úlken koalitsiiasynyń atynan sailaýǵa qatysqanym durys bolady dep oilaimyn. Sondai-aq, bul Memleket basshysynyń túrli partiialardan, birlestikterden teń araqashyqtyq saqtaý qaǵidatyn nyǵaitýǵa múmkindik beredi», - degen edi Qasym-Jomart Toqaev.
Aita keteri, kesheden beri birneshe respýblikalyq jáne qoǵamdyq uiym Toqaevty prezidentikke úmitker retinde usyndy. Búgin Amanat pen Qazaqstan Halyq partiiasy da onyń kandidatýrasyn biraýyzdan qoldady.
