Qazaqstandaǵy qurylys normalary men sáýlet salasyndaǵy talaptardy zamanǵa sai jańartý qajet. Bul týraly Almatyda ótip jatqan Design Summit 2026 forýmynda sáýletshi Nurlan Kamitov aitty, dep habarlaidy ult.kz.
Onyń pikirinshe, qoldanystaǵy erejeler zamanaýi tehnologiialar men qalalardyń damý qarqynyna tolyq sáikes kelmeidi. Sondyqtan halyqaralyq tájiribeni eskerip, jańa «oiyn erejelerin» qalyptastyrý qajet.
«Biz búginde múlde basqa álemde, basqa shynaiylyqta ómir súrip jatyrmyz. Biz jańarǵan talaptarmen ómir súrýimiz kerek», – dedi sáýletshi.
Kamitovtyń aitýynsha, biznes qurylys normalaryna qaraǵanda jyldam damidy. Sondyqtan investorlardyń múddesi men qala turǵyndaryna qolaily orta arasynda tepe-teńdik saqtalýy mańyzdy.
Sondai-aq qurylys talaptaryna klimattyń ózgerýine bailanysty normalardy engizý máselesi qaralyp jatyr. Bul baǵytta tiisti ministrlikpen birge qoldanystaǵy erejelerdi halyqaralyq standarttarǵa sáikestendirý jumystary júrgizilýde.
Sáýletshiniń sózinshe, qurylys normalaryn jańartý Qazaqstannyń sáýlet salasyn halyqaralyq naryqqa shyǵarýǵa da múmkindik beredi.
