قازاقستانداعى قۇرىلىس نورمالارى مەن سەۋلەت سالاسىنداعى تالاپتاردى زامانعا ساي جاڭارتۋ قاجەت. بۇل تۋرالى الماتىدا ٶتٸپ جاتقان Design Summit 2026 فورۋمىندا سەۋلەتشٸ نۇرلان كاميتوۆ ايتتى, دەپ حابارلايدى ult.kz.
ونىڭ پٸكٸرٸنشە, قولدانىستاعى ەرەجەلەر زاماناۋي تەحنولوگييالار مەن قالالاردىڭ دامۋ قارقىنىنا تولىق سەيكەس كەلمەيدٸ. سوندىقتان حالىقارالىق تەجٸريبەنٸ ەسكەرٸپ, جاڭا «ويىن ەرەجەلەرٸن» قالىپتاستىرۋ قاجەت.
«بٸز بٷگٸندە مٷلدە باسقا ەلەمدە, باسقا شىنايىلىقتا ٶمٸر سٷرٸپ جاتىرمىز. بٸز جاڭارعان تالاپتارمەن ٶمٸر سٷرۋٸمٸز كەرەك», – دەدٸ سەۋلەتشٸ.
كاميتوۆتىڭ ايتۋىنشا, بيزنەس قۇرىلىس نورمالارىنا قاراعاندا جىلدام داميدى. سوندىقتان ينۆەستورلاردىڭ مٷددەسٸ مەن قالا تۇرعىندارىنا قولايلى ورتا اراسىندا تەپە-تەڭدٸك ساقتالۋى ماڭىزدى.
سونداي-اق قۇرىلىس تالاپتارىنا كليماتتىڭ ٶزگەرۋٸنە بايلانىستى نورمالاردى ەنگٸزۋ مەسەلەسٸ قارالىپ جاتىر. بۇل باعىتتا تيٸستٸ مينيسترلٸكپەن بٸرگە قولدانىستاعى ەرەجەلەردٸ حالىقارالىق ستاندارتتارعا سەيكەستەندٸرۋ جۇمىستارى جٷرگٸزٸلۋدە.
سەۋلەتشٸنٸڭ سٶزٸنشە, قۇرىلىس نورمالارىن جاڭارتۋ قازاقستاننىڭ سەۋلەت سالاسىن حالىقارالىق نارىققا شىعارۋعا دا مٷمكٸندٸك بەرەدٸ.
