Sottalǵan blogerler Erbolat Janábilov pen Elmira Tólegenovadan tárkilengen avtokólikter satylymǵa shyǵaryldy. Tiisti habarlandyrýlar E-Qazyna memlekettik múlik tizilimi portalynda jariialandy, dep habarlaidy ult.kz.
Satylymǵa 2025 jyly shyǵarylǵan Hyundai Elantra markaly segiz kólik qoiylǵan. Barlyǵy da Zhana Business JShS atyna tirkelgen. Kompaniia basshysy – sottalǵan Elmira Tólegenova.
Qazirgi ýaqytta kólikter Astana qalasynyń memlekettik múlik jáne jekeshelendirý departamentiniń teńgeriminde tur. Ár avtokóliktiń baǵalaý quny 8 mln 395 myń teńgeni quraidy. Alaida bastapqy satý baǵasy ázirge kórsetilmegen.
Qujattarǵa sáikes, kólikterdi satyp alýǵa quqyq qorǵaý jáne arnaiy memlekettik organdar, sondai-aq Prezidenttiń, saiasi memlekettik qyzmetshiler men Parlament depýtattarynyń qyzmetin qamtamasyz etetin organdar ǵana ótinim bere alady.
Avtokólikterge arest qoiylǵan. Olardyń tehnikalyq jaǵdaiyn tekserý múmkin emes ekeni kórsetilgen. Sonymen qatar júk salǵyshtarynda qosalqy dóńgelek pen standartty qural-saimandar jiyntyǵy joq.
Eske salsaq, sáýir aiynda Astana soty Erbolat Janábilov pen Elmira Tólegenovany zańsyz kásipkerlikpen ainalysý jáne qylmystyq jolmen alynǵan aqshany zańdastyrý boiynsha kináli dep tanyǵan bolatyn. Sot úkimimen olardyń múlki tárkilenip, ártúrli jaza taǵaiyndalǵan.
