Qazaqstanda búginnen bastap respýblikalyq referendýmda qabyldanǵan jańa Konstitýtsiia kúshine endi. Jańa Ata zańda teńgeniń Qazaqstan Respýblikasynyń derbes ulttyq valiýtasy ekeni jáne ony ainalymǵa shyǵarý quqyǵy tek Qazaqstan Respýblikasyna tiesili ekeni resmi túrde bekitildi., dep habarlaidy ult.kz.
Teńgeniń ulttyq valiýta, tólem jáne jinaqtaý quraly retindegi quqyqtyq mártebesi Qazaqstannyń valiýta salasyndaǵy derbestigin aiqyndaidy. Bul ulttyq valiýtany emissiialaý quqyǵynyń tek memleketke tiesili ekenine kepildik berip, eldiń ekonomikalyq táýelsizdigin qamtamasyz etýdegi teńgeniń airyqsha rólin kórsetedi.
Qazaqstan Respýblikasynyń Ulttyq Banki bul sheshimniń strategiialyq ári institýtsionaldyq mańyzy zor ekenin atap ótedi.
Ulttyq valiýtanyń konstitýtsiialyq mártebe alýy uzaqmerzimdi aqsha-kredit saiasatyn júrgizýdiń quqyqtyq negizin kúsheitedi. Memlekettiń ulttyq valiýtany shyǵarý quqyǵyn Konstitýtsiiada bekitý qarjylyq turaqtylyqqa oń yqpal etip, azamattardyń, biznestiń jáne halyqaralyq seriktesterdiń ulttyq aqsha júiesine degen senimin arttyrýǵa yqpal etedi. Bul quqyqtyq ózgerister eldiń ornyqty ekonomikalyq damýy men makroekonomikalyq turaqtylyǵyna berik negiz qalaidy.
Jańa konstitýtsiialyq normalardy basshylyqqa ala otyryp, Ulttyq Bank infliatsiiany tejeýge, baǵa turaqtylyǵyn qamatmasyz etýge jáne Qazaqstannyń qarjy júiesiniń ornyqtylyǵyn arttyrýǵa baǵyttalǵan júieli saiasatyn jalǵastyra beredi.
