Depýtat Edil Mamytbekov Parlament Senatynda qaralǵan ǵylym jónindegi zań jobasy naqty qandai mindetterdi sheshýge baǵyttalatynyn aityp berdi, dep habarlaidy QazAqparat.
«Zań jobasynda qazaqstandyq jáne sheteldik sarapshylardyń biryńǵai bazasyn qurý normasy kózdeledi. Ǵylymi jáne ǵylymi-tehnikalyq qyzmet nátijelerin kommertsiialandyrý protsesteri memleket tarapynan biýdjettik qarjylandyrý salasyna tartylǵan», - dedi Edil Mamytbekov.
Osylaisha, eki negizgi býyndy – tiimdi granttyq qarjylandyrý men ǵylymi nátijelerdi kommertsiialandyrýdy qoldaý sharalary kúsheitilýde. Bul Qazaqstannyń naqty ulttyq innovatsiialyq júiesin qalyptastyrý protsesterin jandandyrýdaǵy mańyzdy qadam bolmaq.
«Árine, ǵylymnyń barlyq problemalyq máselelerin bir zań jobasynda qamtý múmkin emes. Jeke normalar núktelik sipatqa ie. Atap aitqanda, uǵymdyq apparat naqtylandy. Úkimettiń ǵylymi jáne ǵylymi-tehnikalyq qyzmet nátijelerin kommertsiialandyrýdy granttyq qarjylandyrý qaǵidalaryn bekitýge ókilettikteri keńeitildi. Ǵylym jáne ǵylymi-tehnikalyq qyzmet salasyndaǵy salaaralyq úilestirý bóliginde ǵylym jónindegi ýákiletti organnyń jekelegen fýnktsiialary men mindetteri qaita qaraldy. Úkimet janyndaǵy Joǵary ǵylymi-tehnikalyq komissiianyń, Ulttyq ǵylymi keńesterdiń mindetterine ózgerister engizildi. Memlekettik ulttyq ǵylymi-tehnikalyq saraptama ortalyǵynyń quzyreti keńeitilýde», - dedi ol.
Depýtat zań jobasyn qabyldaý innovatsiialyq - belsendi kásiporyndardyń úlesin ulǵaitatynyn (28411 kásiporynnyń 3206-sy ǵana innovatsiialyq-belsendi kásiporynǵa jatady), al Qazaqstan jahandyq innovatsiialyq indeksi (77-oryn) jáne innovatsiialyq ekonomikalar (59-oryn) reitingterindegi óz pozitsiiasyn jaqsartatynyna senim bildirdi.
