دەپۋتات ەدٸل مامىتبەكوۆ پارلامەنت سەناتىندا قارالعان عىلىم جٶنٸندەگٸ زاڭ جوباسى ناقتى قانداي مٸندەتتەردٸ شەشۋگە باعىتتالاتىنىن ايتىپ بەردٸ, دەپ حابارلايدى قازاقپارات.
«زاڭ جوباسىندا قازاقستاندىق جەنە شەتەلدٸك ساراپشىلاردىڭ بٸرىڭعاي بازاسىن قۇرۋ نورماسى كٶزدەلەدٸ. عىلىمي جەنە عىلىمي-تەحنيكالىق قىزمەت نەتيجەلەرٸن كوممەرتسييالاندىرۋ پروتسەستەرٸ مەملەكەت تاراپىنان بيۋدجەتتٸك قارجىلاندىرۋ سالاسىنا تارتىلعان», - دەدٸ ەدٸل مامىتبەكوۆ.
وسىلايشا, ەكٸ نەگٸزگٸ بۋىندى – تيٸمدٸ گرانتتىق قارجىلاندىرۋ مەن عىلىمي نەتيجەلەردٸ كوممەرتسييالاندىرۋدى قولداۋ شارالارى كٷشەيتٸلۋدە. بۇل قازاقستاننىڭ ناقتى ۇلتتىق يننوۆاتسييالىق جٷيەسٸن قالىپتاستىرۋ پروتسەستەرٸن جانداندىرۋداعى ماڭىزدى قادام بولماق.
«ەرينە, عىلىمنىڭ بارلىق پروبلەمالىق مەسەلەلەرٸن بٸر زاڭ جوباسىندا قامتۋ مٷمكٸن ەمەس. جەكە نورمالار نٷكتەلٸك سيپاتقا يە. اتاپ ايتقاندا, ۇعىمدىق اپپارات ناقتىلاندى. ٷكٸمەتتٸڭ عىلىمي جەنە عىلىمي-تەحنيكالىق قىزمەت نەتيجەلەرٸن كوممەرتسييالاندىرۋدى گرانتتىق قارجىلاندىرۋ قاعيدالارىن بەكٸتۋگە ٶكٸلەتتٸكتەرٸ كەڭەيتٸلدٸ. عىلىم جەنە عىلىمي-تەحنيكالىق قىزمەت سالاسىنداعى سالاارالىق ٷيلەستٸرۋ بٶلٸگٸندە عىلىم جٶنٸندەگٸ ۋەكٸلەتتٸ ورگاننىڭ جەكەلەگەن فۋنكتسييالارى مەن مٸندەتتەرٸ قايتا قارالدى. ٷكٸمەت جانىنداعى جوعارى عىلىمي-تەحنيكالىق كوميسسييانىڭ, ۇلتتىق عىلىمي كەڭەستەردٸڭ مٸندەتتەرٸنە ٶزگەرٸستەر ەنگٸزٸلدٸ. مەملەكەتتٸك ۇلتتىق عىلىمي-تەحنيكالىق ساراپتاما ورتالىعىنىڭ قۇزىرەتٸ كەڭەيتٸلۋدە», - دەدٸ ول.
دەپۋتات زاڭ جوباسىن قابىلداۋ يننوۆاتسييالىق - بەلسەندٸ كەسٸپورىنداردىڭ ٷلەسٸن ۇلعايتاتىنىن (28411 كەسٸپورىننىڭ 3206-سى عانا يننوۆاتسييالىق-بەلسەندٸ كەسٸپورىنعا جاتادى), ال قازاقستان جاھاندىق يننوۆاتسييالىق يندەكسٸ (77-ورىن) جەنە يننوۆاتسييالىق ەكونوميكالار (59-ورىن) رەيتينگتەرٸندەگٸ ٶز پوزيتسيياسىن جاقسارتاتىنىنا سەنٸم بٸلدٸردٸ.
