SQO politseileri qarashanyń 5-9 kún aralyǵynda 5 kún boiy "Lishennik" jedel-profilaktikalyq is-sharasyn júrgizip, onda júrgizý quqyǵynan aiyrylǵan 46 adamnyń rólde bolǵandyǵyn anyqtaǵan, dep habarlaidy Egemen.kz.
"Lishennik" degen sózdiń ózi júrgizý quqyǵynan airylǵan (lishennyi prav) degen sózdiń halyq arasyndaǵy oryssha qysqarǵan ataýy.
"Bul kúnderi júrgizýshilik tártipti nyǵaitý jáne kólik júrgizý quqyǵynan aiyrylǵan júrgizýshilerdiń kólik júrgizý faktilerine jol bermeý jónindegi jumys kúsheitildi. 5 kún ishinde oblysta júrgizý quqyǵynan aiyrylǵan adamdardyń kólik júrgizýiniń 46 faktisi anyqtaldy", dep atap ótti SQO PD Jergilikti politsiia qyzmeti basqarmasynyń bastyǵy, politsiia podpolkovnigi Aidyn Baimatov.
Ustalǵan júrgizýshilerdiń kópshiligi mas kúiinde kólik júrgizgeni úshin júrgizýshi kýáliginen aiyrylǵandar. Sońǵy ýaqytqa deiin mundai quqyq buzýshylyq jasaǵany úshin júrgizýshige úsh jyl boiy kólik júrgizýge tyiym salynatyn edi. Biyl zańnama qatańdatylyp, endi ishimdik iship kólik júrgizgen adam 7 jyl boiy kólik quralyn júrgizý quqynan airylady.
Alaida osy sharanyń ózi júrgizýshilerdi tártipke shaqyra bermeitinin faktiler kórsetip otyr. Sondyqtan júrgizý quqynan airylǵan adamnyń kóligin dereý satqyzý jáne onyń basqa kólik alýyna tiym salý týraly zańǵa qosymsha engizilse durys bolar edi. Sonda ǵana júrgizý quqynan airylǵandar jaiaý júrýge májbúr bolar, áitpese, aýlasynda temir tulpary ańyrap turǵanda qaltadaǵy kýálikke kim qarap jatyr...
Soltústik Qazaqstan oblysy
