Jambyl oblysynda zamanaýi sýarý júiesi men derbes elektr qýatymen jabdyqtalǵan jasyryn esirtki plantatsiiasy anyqtaldy. Arnaiy operatsiia kezinde 438 keliden astam esirtki men qarý-jaraq tárkilenip, kúdikti ustaldy, dep habarlaidy ult.kz.
Politsiia málimetinshe, plantatsiia «Qarasora – 2026» jedel-profilaktikalyq is-sharasy aiasynda júrgizilgen áýe barlaýy kezinde anyqtalǵan. Qumdy alqapqa jaqyn aýmaqta ornalasqan jasyryn plantatsiiany buryn birneshe ret sottalǵan 40 jastaǵy er adam kútip-baptaǵan.
Kúdikti qarasorany ósirip, óńdegennen keiin elimizdiń ózge óńirlerine kóterme baǵamen satýdy josparlaǵan.
Tintý barysynda biiktigi eki metrden asatyn 50 túp qarasora, agrotehnikalyq qural-jabdyqtar, esirtki tasymaldaýǵa paidalanylǵan jol talǵamaityn kólik tárkilendi. Sonymen qatar seriialyq nómiri óshirilgen «Makarov» tapanshasy, «Baikal» myltyǵy jáne oq-dáriler tabyldy.
Kúdikti ýaqytsha ustaý izoliatoryna qamaldy. Oǵan qatysty Qylmystyq kodekstiń 300-baby («quramynda esirtki zaty bar ósimdikterdi ósirý») jáne 287-baby («zańsyz qarý saqtaý») boiynsha qylmystyq is qozǵaldy.
Qazir politsiia qylmysqa qatysy bolýy múmkin ózge de adamdardy anyqtap jatyr.
