Jambyl oblysynda mal izdeýge shyǵyp, habarsyz ketken 19 jastaǵy jigitti izdestirý-qutqarý jumystary sátti aiaqtaldy, dep habarlaidy ult.kz.
Belgili bolǵandai, 2007 jyly týǵan azamat Úshbas aýyly mańyndaǵy Kókbastaý jaiylymyna mal baǵýǵa ketkennen keiin bailanysqa shyqpai qalǵan. Osyǵan bailanysty jedel túrde izdestirý operatsiiasy uiymdastyryldy.
Izdestirý jumystaryna Tótenshe jaǵdailar ministrliginiń qutqarýshylary, politsiia qyzmetkerleri, jergilikti ákimdik ókilderi men eriktiler jumyldyryldy. Keń aýmaqta júrgizilgen operatsiia barysynda drondar, kinologiialyq toptar, sondai-aq Starlink spýtniktik bailanys júiesi paidalanyldy.
Zamanaýi tehnologiialardyń kómegimen shalǵai aimaqta turaqty bailanys qamtamasyz etilip, barlyq qyzmetterdiń jumysy tiimdi úilestirilgen.
Nátijesinde búgin tańerteń izdeý toby joǵalǵan azamatty Kókbastaý jaiylymynan shamamen 15 shaqyrym qashyqtyqtan tapty. Mamandardyń málimetinshe, jigittiń densaýlyq jaǵdaiy qalypty, meditsinalyq kómekke muqtaj bolmaǵan. Qazirgi tańda onyń ómiri men densaýlyǵyna qaýip joq.
