Jambyl oblysynda politsiia qyzmetkeriniń qaza bolýyna bailanysty tergeý bastaldy, dep habarlaidy ult.kz.
Qaiǵyly oqiǵa Qordai aýdandyq politsiia bóliminiń ǵimaratynda bolǵan. Aldyn ala málimet boiynsha, 31 jastaǵy Arnaiy jedel áreket etý jasaǵynyń (SOBR) inspektory kazarma dálizinde qyzmettik qarýdan ózine oq atqan.
Aýyr jaraqat alǵan politsiia qyzmetkeri jedel túrde aýdandyq ortalyq aýrýhanaǵa jetkizilgen. Dárigerler onyń ómirin saqtap qalýǵa tyrysqanymen, er adam esin jimastan kóz jumdy.
Jambyl oblystyq politsiia departamenti atalǵan derekti rastady. Vedomstvo málimetinshe, oqiǵaǵa bailanysty Qazaqstan Respýblikasy Qylmystyq kodeksiniń 105-baby — «Ózin-ózi óltirýge deiin jetkizý» boiynsha sotqa deiingi tergeý bastalǵan.
Qazirgi ýaqytta oqiǵa ornynda tergeýshiler jumys istep jatyr. Qajetti saraptamalar taǵaiyndalyp, barlyq mán-jai men sebepterdi anyqtaý maqsatynda qyzmettik tekseris júrgizilýde.
