جامبىل وبلىسىندا پوليتسييا قىزمەتكەرٸنٸڭ قازا بولۋىنا بايلانىستى تەرگەۋ باستالدى, دەپ حابارلايدى ult.kz.
قايعىلى وقيعا قورداي اۋداندىق پوليتسييا بٶلٸمٸنٸڭ عيماراتىندا بولعان. الدىن الا مەلٸمەت بويىنشا, 31 جاستاعى ارنايى جەدەل ەرەكەت ەتۋ جاساعىنىڭ (سوبر) ينسپەكتورى كازارما دەلٸزٸندە قىزمەتتٸك قارۋدان ٶزٸنە وق اتقان.
اۋىر جاراقات العان پوليتسييا قىزمەتكەرٸ جەدەل تٷردە اۋداندىق ورتالىق اۋرۋحاناعا جەتكٸزٸلگەن. دەرٸگەرلەر ونىڭ ٶمٸرٸن ساقتاپ قالۋعا تىرىسقانىمەن, ەر ادام ەسٸن جيماستان كٶز جۇمدى.
جامبىل وبلىستىق پوليتسييا دەپارتامەنتٸ اتالعان دەرەكتٸ راستادى. ۆەدومستۆو مەلٸمەتٸنشە, وقيعاعا بايلانىستى قازاقستان رەسپۋبليكاسى قىلمىستىق كودەكسٸنٸڭ 105-بابى — «ٶزٸن-ٶزٸ ٶلتٸرۋگە دەيٸن جەتكٸزۋ» بويىنشا سوتقا دەيٸنگٸ تەرگەۋ باستالعان.
قازٸرگٸ ۋاقىتتا وقيعا ورنىندا تەرگەۋشٸلەر جۇمىس ٸستەپ جاتىر. قاجەتتٸ ساراپتامالار تاعايىندالىپ, بارلىق مەن-جاي مەن سەبەپتەردٸ انىقتاۋ ماقساتىندا قىزمەتتٸك تەكسەرٸس جٷرگٸزٸلۋدە.
