Foto: Orda.kz/ Aleksandra Mohireva
Almaty oblysynyń Kegen aýylynda memleket jáne qoǵam qairatkeri Zamanbek Nurqadilovke arnalǵan biýsttiń saltanatty ashylýy ótti, dep habarlaidy Orda.kz.
Buǵan qosa, Kegendegi balalar óner mektebine Zamanbek Nurqadilovtiń esimi berilip, ǵimarat tolyq jóndeýden ótti.
Sharaǵa memlekettik qyzmetkerler, qoǵam qairatkerleri, aqyndar men jazýshylar, sondai-aq Nurqadilovtiń jaqyndary men týystary boldy.
Eskertkishti Zamanbek Nurqádilovtiń uly Qairat ashty.
Saltanatty shara barysynda quttyqtaý sózder aitylyp, qairatkerdiń eńbekteri eske alyndy. Sonymen qatar, onyń «Ne tolko o sebe» atty kitaby qonaqtarǵa taratyldy.
«Eskertkish bolýy kerek edi, biraq aqyrynda biýst ashyp jatyr. Bul sheshim túsiniksiz. Sonymen qatar, Zamanbek Nurqadilovtiń ólimine qatysty «sýitsid jasady» degen nusqany óshirip, kim óltirdi ekenin anyqtaý qajet»,
dedi Altynbek Sársenbaidyń aǵasy ári belsendi Rysbek Sársenbai.
Eske sala keteiik, Zamanbek Nurqadilov – Almaty qalasynyń jáne Almaty oblysynyń ákimi, sondai-aq Tótenshe jaǵdailar agenttiginiń tóraǵasy qyzmetterin atqarǵan. Ol batyl málimdemelerimen jáne saiasi reformalardy qoldaýy arqyly halyq esinde qalǵan.
