Abai oblysynda BAQ salasynyń mamany sýǵa batyp qaza tapty degen aqparat tarady. Tanystarynyń aitýynsha, ol Alakólge demalysqa barǵanda kóz jumǵan, dep habarlaidy ult.kz Stan.kz aqparat agenttigine silteme jasap.
Meiirqanova Áigerim birneshe jyldan beri jýrnalistika, PR salasynda qyzmet atqarǵan.
“Ol Alakólde demalysta bolǵan. Onyń qazasy jaily sińlisinen estidik. Bizge onyń sýǵa batyp ketkeni týraly aityldy. Keiin júregi toqtap qalǵan degen de aqparat paida boldy. Ázirge bul aqparatty resmi eshkim rastamady. Bul onyń jaqyndarynyń aitqany”, – dedi Áigerimniń áriptesi.
Abai oblysynyń Tótenshe jaǵdailar departamenti oqiǵany rastady.
“28 maýsym kúni saǵat 17:40-ta Maqanshy aýdanynyń politsiia bólimine "103" qyzmetiniń dispetcherinen Alakól kóliniń jaǵalaýynda 38 jastaǵy áieldiń jedel meditsinalyq járdem brigadasy kelgenge deiin kenetten qaitys bolǵany týraly habarlama tústi. Kýágerlerdiń aitýynsha, áieldiń aiaq astynan jaǵdaiy nasharlap, keiin esinen tanyp qalǵan. Atalǵan fakti boiynsha Maqanshy aýdanynyń politsiia bólimi sotqa deiingi tergep-tekserýdi bastady. Ólimniń naqty sebebin anyqtaý úshin sot-meditsinalyq saraptama taǵaiyndaldy. Tergeý nátijesi men saraptama qorytyndysyna sáikes tiisti protsestik sheshim qabyldanady”, – dedi vedomstvo.
