اباي وبلىسىندا باق سالاسىنىڭ مامانى سۋعا باتىپ قازا تاپتى دەگەن اقپارات تارادى. تانىستارىنىڭ ايتۋىنشا, ول الاكٶلگە دەمالىسقا بارعاندا كٶز جۇمعان, دەپ حابارلايدى ult.kz Stan.kz اقپارات اگەنتتٸگٸنە سٸلتەمە جاساپ.
مەيٸرقانوۆا ەيگەرٸم بٸرنەشە جىلدان بەرٸ جۋرناليستيكا, PR سالاسىندا قىزمەت اتقارعان.
“ول الاكٶلدە دەمالىستا بولعان. ونىڭ قازاسى جايلى سٸڭلٸسٸنەن ەستٸدٸك. بٸزگە ونىڭ سۋعا باتىپ كەتكەنٸ تۋرالى ايتىلدى. كەيٸن جٷرەگٸ توقتاپ قالعان دەگەن دە اقپارات پايدا بولدى. ەزٸرگە بۇل اقپاراتتى رەسمي ەشكٸم راستامادى. بۇل ونىڭ جاقىندارىنىڭ ايتقانى”, – دەدٸ ەيگەرٸمنٸڭ ەرٸپتەسٸ.
اباي وبلىسىنىڭ تٶتەنشە جاعدايلار دەپارتامەنتٸ وقيعانى راستادى.
“28 ماۋسىم كٷنٸ ساعات 17:40-تا ماقانشى اۋدانىنىڭ پوليتسييا بٶلٸمٸنە "103" قىزمەتٸنٸڭ ديسپەتچەرٸنەن الاكٶل كٶلٸنٸڭ جاعالاۋىندا 38 جاستاعى ەيەلدٸڭ جەدەل مەديتسينالىق جەردەم بريگاداسى كەلگەنگە دەيٸن كەنەتتەن قايتىس بولعانى تۋرالى حابارلاما تٷستٸ. كۋەگەرلەردٸڭ ايتۋىنشا, ەيەلدٸڭ اياق استىنان جاعدايى ناشارلاپ, كەيٸن ەسٸنەن تانىپ قالعان. اتالعان فاكتٸ بويىنشا ماقانشى اۋدانىنىڭ پوليتسييا بٶلٸمٸ سوتقا دەيٸنگٸ تەرگەپ-تەكسەرۋدٸ باستادى. ٶلٸمنٸڭ ناقتى سەبەبٸن انىقتاۋ ٷشٸن سوت-مەديتسينالىق ساراپتاما تاعايىندالدى. تەرگەۋ نەتيجەسٸ مەن ساراپتاما قورىتىندىسىنا سەيكەس تيٸستٸ پروتسەستٸك شەشٸم قابىلدانادى”, – دەدٸ ۆەدومستۆو.
